FORO DE OPINIÓN

FRANCISCO RODRÍGUEZ E O CANDIDATO SOCIALISTA DE BARBADÁS SOLUCIONARÁN O PROBLEMA DOS ACCESOS Ó CENTRO COMERCIAL

O candidato socialista á Alcaldía de Ourense, Francisco Rodríguez, e o seu homólogo en Barbadás, Xosé Carlos Valcarcel, lembraron que fai máis de dous anos que o centro comercial pagou o Concello de Ourense 900 millóns das antigas pesetas para facer os accesos a esta gran superfície e ainda nin os empezaron. Para Xosé Carlos Varcalcel: “quenes máis sufren esta situación son os veciños da Valenzá na súa vida cotiá”.

Dende o Grupo Municipal Socialista de Ourense presentáronse varias preguntas ó goberno popular interesándose por esta demora. O actual goberno excusou a súa tardanza primeiro pola modificación do plan, e despois polas dificultades das expropiacións: “non é creíble porque a modificación xa está feita, e as expropiacións cando interesan ben rápido que se fan” engade Francisco Rodríguez, quen se resignou e será él quen dende o futuro goberno de Ourense levará a diante estas obras, “xa que agora non interesan, porque non é rentable electoralmente”.

Pola súa banda, Xosé Carlos Valcárcel resaltou que as caravanas, e as retencións están provocadas polas desidias de ambos rexidores, que pertencen ó mesmo partido, ó PP. Xosé Carlos Valcárcel explicou que “o Sr. Freire como vive en Ourense e non sufre este problema na súa carne, nada lle importa as demoras que dia trás dia viven os seus cidadáns”.

Os candidados socialistas ás Alcaldías de Ourense e Barbadás comprometéronse a traballar conxuntamente nos futuros gobernos das súas cidades, “non só en esta cuestión puntual, senón tamén en ámbitos que afectan ós veciños como son o transporte supramunicipal, que ainda está sen resolver; así como en cuestións de saneamento” asegura Francisco Rodríguez quen se comprometeu a que “a partir do 27 de maio haberá un traballo conxunto institucional e persoal entre ambos mandatarios”.

FRANCISCO RODRÍGUEZ INSTA A BALTAR A QUE SE PRESENTE Á ALCALDÍA

Francisco Rodríguez pediu ó Sr. Baltar que deixe de “facer de ventrílocuo do seu candidato, pois para iso xa temos a outro José Luis, o Moreno, que o fai moito millor” e invitouno a que se presente coma candidato polo PP: “se o que está Baltar pretendendo con este candidato mandado é gobernar a cidade, que asuma el a responsabilidade, que sexa honesto cos cidadáns, e que sexa Baltar o que se presente coma candidato. Síntoo –engade- polo actual candidato que, tal vez, leve demasiado tempo sendo o mandado: primeiro de Cabezas, e, agora de Baltar”.

O candidato socialista á Alcaldía de Ourense lembrou a complexa situación que vive o urbanismo en Ourense. Recordou os múltiples problemas que afronta o Concello da cidade en Pérez Serantes, na rúa Bierzo, en Rabo de Galo, na Praza de San Antonio… Francisco Rodríguez insta a que “resolvan os problemas que teñen nas rúas, o da depuradora e que dixen de seguir exercendo na defensa do seu candidato, que xa é maiorciño e listo, que se defenda él”. Francisco Rodríguez lembra que “xa hai demasiadas ilegalidades. Hai que traballar coa legalidade na man. Os alcaldes están para mellorar a vida dos cidadáns, e para crear un escenario atractivo para traer empresas”.

Noutro ámbito, o candidato socialista á Alcaldía de Ourense informou que trala súa resposta ás declaracións do Sr. Baltar recibiu chamadas de apoio de varios alcaldes anteriores do PP desta cidade. “Sr. Baltar se o seu candidato é o mellor de España, terá capacidade suficiente para defenderse só e non esconderse detrás das saias do presidente da Deputación” afirmou Francisco Rodríguez.

GRAVES IRREGULARIDADES NA XESTION URBANISTICA DE ENRIQUE NOVOA POLY

O Grupo Municipal Socialista dende hai 4 anos está a denunciar ante a cidadanía a situación de irregularidade urbanística que vive o Concello da cidade. A institución municipal atravesa serios problemas económicos, que non impediron enriquecerse a uns poucos, gracias á especulación urbanística: o regalo do 10% do aproveitamento urbanístico, as recalificacións de Tabarés, da Finca de Mariñamansa, da Deputación, das Burgas, en Marcelo Macías…, hai moitas máis actuacións que todos sabemos.

O Grupo Municipal do PSdeG-PSOE no Concello de Ourense formalizou por escrito no Rexistro Municipal a solicitude dun informe xurídico sobre a legalidade dos negocios urbanísticos privados do alcalde da cidade, Enrique Nóvoa López. Solicitamos o devandito informe xurídico para que o secretario municipal se pronuncie sobre duas cuestións: Primeiro, se a participación do Sr. Nóvoa coma socio e administrador solidario da empresa Galmex, e coma socio de Poensa, ambas adicadas á promoción inmobiliaria, vulneran o Artigo 75 da Lei de Bases de Réxime Local que regula as incompatibilidades dos responsables municipais cando, como ocorre no caso do alcalde, disfrutan de dedicación exclusiva no Concello. Segundo, se as mencionadas participacións e compromisos directivos en ambas sociedades inmobiliarias, incumplen o Artigo 28 da Lei de Procedemento Administrativo Común relativo ó “deber de abstención”, por ser o Sr. Nóvoa López titular da Concellería Municipal de Urbanismo e, polo tanto, responsable directo de trámites administrativos tan importantes como a concesión de licencias, partícipe das decisións e informes da Xunta de Goberno Municipal, ademais responsable político da redacción, modificacións puntuais, informes e xestión do Planeamento da cidade, que define asuntos fundamentais como a clasificación, uso ou edificabilidade do solo.

Por outra banda, e en relación con este mesmo tema solicitamos ó Grupo de Goberno Municipal a convocatoria urxente dun Pleno Extraordinario para a que o Alcalde de Ourense dé unha explicación pública e se celebre un debate xeral sobre a política urbanística desenvolvida polo seu Goberno nos últimos anos.

Ante a repercusión que este tipo de sucesos urbanísticos pode causar na confianza dos cidadáns, Enrique Nóvoa pronunciouse dicindo:

• No caso do edificio da Rúa Arturo Pérez Serantes, onde se licitaron un total de 60 vivendas e foron construídas 69 e sobre o que terá que declarar ante o xuíz coma imputado: "Non hai aumento de volumen, todo o mundo sabe que nun piso de 160 metros se poden construir dous , como máximo haberá un defecto de forma"
• No caso da construcción do inmoble de 18 vivendas na Rúa Manuel Murguía por parte dunha das súas empresas inmobiliarias: "Só fixen unha obriña pequena, na que invertin os meus cartos xunto con outros dous socios"
• No tema da recalificación da parcela ó seu socio Enrique do Río no Barrio do Vinteún: "Se houbo algo, foi sen darme conta"

Para o partido que represento, o PSdeG-PSOE de Ourense, o goberno municipal pasa pola transparencia na xestión urbanística, por impulsar vivenda pública, solo industrial e, sobre todo, por incorporar ó Concello unha xestión profesional e transparente do urbanismo en Ourense, a fin de superar a xestión oscurantista do Partido Popular que, en doce anos non foi quen de crear unha sola vivenda pública, nin un só metro cadrado de solo industrial.

As denuncias da opaca xestión urbanística en Ourense suporán un punto de inflexión no futuro da cidade, teremos que plantexarmos todos cál é o futuro e os gobernantes que queremos para Ourense, que han de ser ser persoas cualificadas e capaces de tal tarefa e contar cunha ética exemplar.

EDUARDO MADINA ACHEGOUNOS A REALIDADE POLITICA VASCA

Eduardo Madina Muñoz, diputado do PSOE por Vizcaya e víctima da banda terrorista ETA, visitou Ourense para falarnos da realidade política do País Vasco. Diante dun Centro Sociocultural de Caixanova ateigado de xente foi presentado por Laura Seara, secretaria de igualdade do PSdeG-PSOE e amiga de Eduardo Madina. A súa presentación chea de cariño e admiración quedouse curta para o brilante relato dialéctico que iamos a escoitar despois. Foi sen dúbida unha das conferencias políticas máis interesantes e concluintes dos últimos tempos nesta cidade.
O discurso do noso compañeiro Eduardo calou fondo en todos os que alí estabamos, mulleres, xóvenes, maiores,… A súa impecable descripción histórica, económica e política apoiada en paralelismos literarios e en anécdotas persoais fíxonos comprender dun modo fácil algo tan difícil e enrevesado como é o tema político e a orixe do conflicto no País Vasco.
Por outra banda, Eduardo fixo fincapé no uso da razón e non do corazón para a defensa dos ideais políticos, manifestou a necesidade de diálogo e unión de tódalas forzas políticas para acabar co terrorismo nun momento no que o fin da violencia de ETA está moi cerca, e no que a algúns isto é o que máis lles preocupa e utilizan o tema con fins meramente políticos.
Neste momento tan difícil para toda a sociedade española, envolta nun clima de crispación política que pode chegar a desembocar noutras fontes de violencia, é un pracer disfrutar da testemuña dun político que loitou co único argumento da razón polos ideais socialistas, que se enfrontou de cara contra o terrorismo de ETA, que nunca aproveitou o victimismo para que o seu discurso fose máis creible e que ten unha visión moi obxectiva e válida da problemática do conflicto e a súa resolución.
Noraboa Eduardo, agardamos que volvas a Ourense moi pronto.

O PSOE CREARÁ UNHA EMPRESA MUNICIPAL DE URBANISMO

Unha das apostas do Grupo Municipal Socialista de Ourense para o seu programa electoral será a creación dunha Empresa Municipal de Urbanismo, Vivenda e Solo, que xestionará solo, impulsará vivenda pública e incorporará ó Concello unha xestión profesional e transparente do urbanismo en Ourense, a fin de superar a xestión oscurantista do Partido Popular que, en doce anos non foi quen de crear unha sola vivenda pública, nin un só metro cadrado de solo industrial.

Esta empresa municipal terá coma obxectivo a execución das actuacións urbanísticas e de construcción necesarias para o interese público de Ourense e dos seus cidadáns. Trátase de xestionar con maior eficacia o solo desta cidade, así como de axilizar os proxectos de tramitación, traballando man con man coas empresas de construcción, coas promotoras, cos profesionais, e sobre todo cos veciños. Este proxecto, que xa figuraba no noso programa político do 2003, será un instrumento de xestión urbanística municipal similar ó que teñen case douscentos dos máis importantes municipios de toda España, e boa parte das principales cidades de Galicia.

Esta iniciativa permitirá abordar a rehabilitación, remodelación, dotación de servicios, instalacións e equipamentos públicos ós barrios, actuacións urbanísticas e de construcción, redacción de plans parciais, actuacións de planeamento, así como crear solo urbano para uso residencial, terciario e industrial, impulsar vivenda pública e xestionar o aproveitamento urbanístico e o patrimonio municipal do solo.

Para poder desenvolver este proxecto contarase cun nutrido grupo de profesionais do sector, entre os que se atoparán arquitectos, enxeñeiros, aparelladores, etc., vinculados laboralmente á nova empresa.

Outras das apostas personais de Francisco Rodríguez será a creación do 20% de vivenda de protección autonómica en cada un dos desenvolvementos urbanísticos, tal e como esixe a Lei do Solo e o vixente Plan Xeral de Ordenación Municipal de Ourense (PXOM). Ó longo dos catro anos da lexislatura, o Partido Socialista comprométese a creación de, cando menos, 500 vivendas públicas en cada un dos distritos Norte, Este e Oeste, nas zonas da Universidade, da Universidade Laboral, no Casco Vello, A Ponte-Vinteún, O Couto-Carballeira, San Francisco- Barrocás, e Mariñamansa.

Respecto ó solo industrial, o Partido Socialista incluirá no seu programa o desenvolvemento inmediato, mediante xestión municipal, do polígono de Santa Mariña, onde o PXOM prevé a creación de 900 mil m2 de solo industrial.

UN NOVO COLEXIO PARA A ZONA DE BARROCÁS-OS ROSAIS

Francisco Rodríguez presentou a través dunha moción no pleno do 2 marzo a solicitude de creación dun Centro Educativo Público na zona de Barrocás-Os Rosales. O Grupo Municipal Socialista pediu ó Concello de Ourense iniciar o trámite para a cesión dunha parcela de 7.887 m2, situada no Sector A-6 e catalogada como equipamento no PXOM, á Consellería de Educación para axilizar a construcción deste Centro de Educación Primaria. E aproveitou a ocasión para presentarlle ós veciños de Barrocás-Os Rosales-O Pombeiro a iniciativa de construcción dun novo Centro Educativo Público neste barrio.
Con este proxecto no partido socialista queremos solventar o déficit insostible de servizos e equipamentos públicos que están a sufrir os barrios ourensáns. Na miña opinión, a área de Barrocás-Os Rosales é unha das zonas que máis desenvolvemento urbano e crecemento poboacional está tendo nos últimos anos. Este crecemento, en cambio, non foi acompañado pola mellora de servicios municipais básicos como o transporte público ou a limpeza de lixo; nin pola creación de novas infraestructuras e equipamentos que permitan ós veciños desta puxante zona de Ourense disfrutar do mesmo nivel de servizos públicos que as zonas favorecidas pola política municipal do Partido Popular..

O escaso número de centros escolares públicos na área Barrocás-Os Rosales-O Pombeiro contrasta co incremento poboacional experimentado, e coas previsións de seguir incrementando residentes nos próximos años, sobre todo parellas xóvenes. Esta situación xenera preocupación e incertidume entre os pais e nais, non só de cara o futuro senón mesmo no presente, porque, xa na actualidade, as necesidades de escolarización da área non se cubren ca oferta educactiva pública existente.